NOV

24

2020

Tema ng ating Pagdiriwang ng Adbiyento:
"Pag-asa sa Gitna ng Pandemya"
Panalangin sa Pagsisindi ng Kandila ng Adbiyento
Amang mapagmahal, isinugo mo sa amin ang iyong Anak bilang liwanag sa gitna ng karimlan.
(Sisindihan ang Kandila)
Sa pagsisindi namin ng Kandilang ito ng Korona ng Adbiyento, pagningasin mo ang alab ng aming pag-asa sa gitna ng pandemya ng Covid19; palakasin at ingatan ang mga frontliners sa pagsugpo ng salot na ito; pagalingin ang mga maysakit; tanggapin sa iyong Kaharian ang mga pumanaw; at lukuban ng iyong kapangyarihan at paglingap ang aming mga tahanan, upang maligtas kami sa lahat ng panganib, sakuna, kalamidad at pagkakasakit.
Hilumin mo na po ang aming daigdig na sinira ng aming pagkamakasarili at pag-aabuso sa likas na yamang kaloob mo sa lahat.
Amen.
==================*
Isinasagisag ng apat (4) na kandila ang apat na Linggo bago sumapit ang Kapaskuhan.
Ito ay sagisag din ng apat na libong taon ng paghihintay ng Bayan ng Diyos sa pagdating ng Manunubos.